Heneb yn CIfA 2026

Mae’n bleser gan Heneb gyhoeddi y byddwn yn mynd i Gynhadledd Flynyddol CIfA2026, a gynhelir yn ninas hanesyddol Caeredin. Hon yw prif gynhadledd archaeolegol broffesiynol y DU, sy’n dod â channoedd o ymarferwyr o bob rhan o’r sector treftadaeth at ei gilydd i rannu gwybodaeth, ymchwil ac arferion gorau.

Manylion y Gynhadledd

• Dyddiadau: Dydd Mawrth 28 Ebrill – Dydd Mercher 29 Ebrill 2026
• Lleoliad: Canolfan Gynadledda John McIntyre, Caeredin

Thema: Datblygu Cysylltiadau

Mae thema cynhadledd eleni, Datblygu Cysylltiadau, yn canolbwyntio ar gryfhau perthnasoedd ar draws y sector archaeolegol ac archwilio sut y gall cydweithio, arloesi a dysgu ar y cyd helpu i ddiogelu’r proffesiwn at y dyfodol.

Bydd y sesiynau’n edrych ar y canlynol:

• Materion proffesiynol cyfredol
• Arloesi mewn ymarfer archaeolegol
• Ymchwil o bob rhan o sectorau treftadaeth y DU ac yn rhyngwladol

Beth i’w Ddisgwyl

Mae’r rhaglen ddeuddydd yn cynnwys:

• Prif areithiau
• Ystod eang o sesiynau arbenigol
• Gweithdai hyfforddi
• Cyfleoedd i rwydweithio â chydweithwyr ar draws y sector

Heneb yn CIfA 2026

Bydd Heneb yn bresennol drwy gydol y gynhadledd, gan gyflwyno papurau, ymgysylltu â chymheiriaid, rhannu gwybodaeth o’n gwaith ledled Cymru, ac archwilio dulliau arloesol o ran ymarfer archaeolegol. Mae’r gynhadledd yn rhoi llwyfan delfrydol i:

• Adeiladu cysylltiadau proffesiynol
• Cyfnewid gwybodaeth gyda phartneriaid ledled y DU
• Dysgu o ddatblygiadau arloesol yn y sector
• Cynrychioli tirwedd archaeolegol Cymru ar lwyfan cenedlaethol

Edrychwn ymlaen at gwrdd â chydweithwyr a phartneriaid newydd yng Nghaeredin! Gobeithio y gwelwn ni rai ohonoch chi yno!

Rhagor o Wybodaeth

I gael y manylion llawn, ewch i dudalen swyddogol cynhadledd CIfA: [archaeologists.net]