Asesiad Wrth y Desg

Mae Asesiad Wrth Y Ddesg yn werthusiad seiliedig ar ymchwil a gynhelir i ddeall amgylchedd hanesyddol ardal neu safle penodol, a wneir fel arfer cyn newidiadau datblygu neu ddefnydd tir. Mae’r broses hon yn cynnwys adolygiad trylwyr o gofnodion presennol—megis mapiau, ffotograffau, dogfennau hanesyddol, a chronfeydd data archaeolegol—i asesu presenoldeb, arwyddocâd a chyflwr asedau treftadaeth yn yr ardal.

Mae Asesiadau wrth y Ddesg yn aml yn rhan hanfodol o Asesiadau Effaith Amgylcheddol (AEA) ac Asesiadau o’r Effaith ar Dreftadaeth (AOEAD). Mae’r asesiadau hyn yn nodi ac yn gwerthuso unrhyw adnoddau treftadaeth o fewn safle datblygu arfaethedig, gan helpu i ragweld effaith bosibl prosiectau newydd ar dreftadaeth archeolegol ac adeiledig. Trwy ddarparu dealltwriaeth fanwl o botensial archaeolegoly safle, rydym yn galluogi cleientiaid i gynllunio’n effeithiol, osgoi oedi annisgwyl, a datblygu strategaethau i ddiogelu a gwarchod asedau treftadaeth lle bo angen.

Pan nodir asedau treftadaeth o bwys, mae ein hasesiadau’n awgrymu strategaethau lliniaru, gan sicrhau y gall cleientiaid symud ymlaen yn hyderus wrth gydymffurfio â gofynion rheoleiddiol.

Mae asesiadau Heneb yn dilyn safonau CIfA gan warantu arferion proffesiynol, moesegol a thrylwyr. Mae ein hadroddiadau yn cefnogi gwneud penderfyniadau gwybodus ar gyfer cynllunwyr, datblygwyr a thirfeddianwyr, gan ganiatáu rheolaeth gytbwys a chyfrifol ar adnoddau treftadaeth.