Mae Heneb – Ymddiriedolaeth Archaeoleg Cymru – yn gwahodd Datganiadau o Ddiddordeb gan unigolion a hoffai ymuno â’n Paneli Cynghori Rhanbarthol. Mae’r paneli hyn yn chwarae rhan hollbwysig yn y gwaith o lunio dyfodol archaeoleg yng Nghymru drwy ddarparu gwybodaeth, arweiniad a safbwyntiau ffres ar ein gwaith.
Rydym yn arbennig o awyddus i glywed gan:
- Pobl iau sy’n gallu dod ag egni a syniadau newydd
- Pobl o gymunedau amrywiol i sicrhau bod ein gwaith archaeolegol yn adlewyrchu ac yn gwasanaethu Cymru gyfan
- Pobl ag anableddau y gall eu profiad bywyd ein helpu i wneud treftadaeth yn fwy cynhwysol
Mae eich llais yn bwysig. Drwy ymuno â Phanel Cynghori Rhanbarthol, byddwch yn helpu i ddylanwadu ar benderfyniadau, yn rhannu eich gwybodaeth, ac yn cyfrannu at ddiogelu a hyrwyddo treftadaeth Cymru ar gyfer cenedlaethau’r dyfodol.
Paneli Cynghori Rhanbarthol
Mae Heneb yn gweithredu ledled Cymru drwy bedwar panel rhanbarthol:
- Gwynedd
- Clwyd-Powys
- Morgannwg-Gwent
- Dyfed
Wrth wneud cais, nodwch pa ranbarth y mae gennych y diddordeb mwyaf ei gefnogi.
Sut mae Gwneud Cais
Anfonwch eich Datganiad o Ddiddordeb at [email protected] erbyn 3 Mai 2026 yn un o’r fformatau canlynol:
- Llythyr eglurhaol (ysgrifenedig)
- Fideo neu nodyn llais
Ynghyd â naill ai: - CV neu
- Disgrifiad llafar o’ch profiad
Rhowch wybod i ni pam yr hoffech chi gymryd rhan, beth allwch chi ei gynnig i’r panel, ac unrhyw brofiad neu ddiddordebau perthnasol.
Dyddiadau Allweddol
- Galwad yn Agor: 5 Ionawr 2026
- Dyddiad cau ar gyfer datganiadau o ddiddordeb: 3 Mai 2026
I gael rhagor o wybodaeth am Heneb a’n gwaith, ewch i www.heneb.org.uk
Cwestiynau Cyffredin: Yr hyn sydd angen i chi ei wybod
Beth mae’r Paneli Cynghori Rhanbarthol yn ei wneud?
Maent yn darparu cyngor a gwybodaeth leol i helpu Heneb i lunio blaenoriaethau archeolegol, prosiectau ac ymgysylltu â’r gymuned ledled Cymru.
Pa mor aml mae paneli’n cyfarfod?
Mae paneli’n cyfarfod ddwywaith y flwyddyn, gyda chyfarfodydd ychwanegol achlysurol os oes angen.
A yw hon yn rôl gyflogedig?
Nac ydi, mae aelodaeth panel yn wirfoddol, ond bydd treuliau rhesymol yn cael eu talu.
Oes angen i mi fod yn archeolegydd?
Nac oes. Er bod gwybodaeth a phrofiad archaeolegol yn ddefnyddiol, rydym yn croesawu pobl a phrofiadau uniongyrchol o amrywiaeth o gefndiroedd – pobl sy’n frwd dros dreftadaeth ac sydd eisiau gwneud gwahaniaeth.
Beth yw’r ymrwymiad amser?
Fel arfer, dau gyfarfod y flwyddyn, ynghyd ag unrhyw waith paratoi neu drafodaethau dilynol.
Lawrlwytho
