Canfu astudiaeth ddesg a gynhaliwyd yn 2004-05 dros 1,000 o glostiroedd wedi eu hamddiffyn cynhanesyddol posibl a sicr ar draws Sir Gaerfyrddin, Ceredigion a Sir Benfro. Mae’r rhain yn cynnwys bryngaerau cloddwaith, clostiroedd wedi eu hamddiffyn a chnydnodau, yn ogystal â 164 o safleoedd sy’n adnabyddus drwy enwau lleoedd yn unig. O’r cyfanswm, mae 215 yn Henebion Rhestredig. Mae’r holl gofnodion wedi cael eu hychwanegu at y Cofnod Amgylchedd Hanesyddol Rhanbarthol, a bwriedir cynnal ymweliadau maes yn y dyfodol i asesu cyflwr safleoedd heb eu rhestru.
